string(41) "http://dumrt.ru/about-us/struktura/dumrt/"

Үзәкләшкән дини оешма – Татарстан Республикасы мөселманнарының Диния нәзарәте (ТР МДН) -Татарстан Республикасы мөселманнарының иң югары Үзәкләшкән дини оешмасы. 

ТР МДН үзенең дини эшчәнлеген:

Аллаһы Тәгалә иңдергән изге Коръән;
Мөхәммәд пәйгамбәр (с.г.в.) сөннәте;

-    Әбү Хәнифәнең дини юнәлеше белән туры килгән Коръән һәм Пәйгамбәребез сөннәтенә ияргән факиһ һәм голәмәләрнең иҗтиһатында чагылган шәригать кануннары;

-  Россия Федерациясе һәм Татарстан Республикасы Конституцияләре, 1997 елның 26 нчы сентябреннән 125-ФЗ номерлы "Вөҗдан иреге һәм дини берләшмәләр" Федераль законы, башка норматив-хокукый актлар һәм ТҖ МДН Уставы нигезендә тормышка ашыра.

ТР МДНның төп вазифалары:

а) Ислам динен бергәләшеп үстерү һәм тарату максатыннан, Татарстан Республикасының мөселман дини оешмаларын берләштерү;

б) мөселман дини оешмаларының кануни бердәмлеген Коръән һәм Сөннәт нигезендә, Әбү Хәнифә традицион хокук мәктәбенә яраклаштырып тәэмин
итү;

в) республиканың мөселман берләшмәләренең рухи потенциалын көчәйтү һәм әхлакый нигезләрнең ныгыту;

г) тәрбия һәм белем дәрәҗәсен күтәрү, югары әхлаклы һәм гыйлемле  шәхесләр әзерләү максатыннан җәмгыятьтә рухи-әхлакый нигез булдыру;

д) җәмгыятьтә конфессия-, халыкара татулыкка һәм килешүгә ирешү;

е) Татарстан Республикасы мөселманнары һәм мөселман дини оешмаларына республикада законлы хокукларын, аларның мәнфәгатьләрен кайгыртуда һәм Ислам динен таратуны тормышка ашыруда булышлык күрсәтү.

Татарстан Республикасы мөселманнары Диния нәзарәте бүгенге көндә үз эченә түбәндәге административ-территориаль структур бүлекчәләрне ала: 9 казыят, 48  район мөхтәсибәте, 1415 теркәлү узган мәхәллә, 9 мәдрәсә, РИИ. Бүгенге көндә Татарстан Республикасы мөселманнары Диния нәзарәте составына 1430 мәчет керә, аларда 1373 имам эшли. Татарстан террториясендә 700дән артык мәктәп бар, аларда 25 000 шәкерт гыйлем ала һәм 1400 кеше остазлык итә. Бүгенге көндә ТР МДН химаясендә 26 массакүләм мәгълүмат чарасы һәм 48 район мөхтәсибәте сайты исәпләнә (2017 елның 1-нче гыйнвары мәгълүматлары буенча).

Мөфти, ТР МДН рәисе Сәмигуллин Камил Искәндәр улы
Мөфтинең беренче урынбасары  Вәлиуллин Рөстәм Тәлгать улы

Мөфти ярдәмчесе Баязитов Илдар Рәфкать улы 
 
Мөфти урынбасары Мөхәммәтшин Рәфыйк Мөхәммәт улы