7 май көнне Буа районының “Хаҗилар” мәчетенә 10 ел тулу уңаеннан бик матур чара булып узды.
Килгән кунаклар арасында Буа районы имам-мөхтәсибе Илмир хәзрәт Фәрит улы, “Хаҗилар” мәчете имамы Фәһим хәзрәт Рәхимҗан улы, Иске Суыксу авылы имамы Линур Рафик улы, ПМК-6 җитәкчесе Фәрит Минали улы, ПМК-6 Раян Хаҗи улы, мәхәллә халкы катнашты.
Шамил хәзрәт Вәлиуллин төшергән “Хаҗилар” мәчетенең төзелеш вакытыннан алып ачылышына кадәр булган тарихи видео язмасы карау белән башланып китте.
Мәҗлесне имам-мөхтәсиб Илмир хәзрәт бу мәчет районда иң алдынгы мәчетләрдән берсе, мәчете дә күркәм, халкы да ягымлы диеп сүзне шуннан башлады.
Фәһим хәзрәт кыскача мәчеттә ун ел эшләнгән эшләр белән таныштырып үтте, ярдәм иткән һәр бер халыкка үзенең рәхмәтен ирештерде.
Илмир хәзрәт Хәсәнов, мәчет имамы Фәһим хәзрәткә, мөфти тарафыннан бирелгән шәһәдәтнәмәсен тапшырды. Буа мөхтәсибәте исеменнән мәчетнең үзенә рәхмәт хаты, сертификат белән бүләкләде.
Мәҗлес әзерләнгән мул табын артында дәвам итте. Ахырда мәчеттә өйлә намазын уку белән тәмамланды.
