Буаның “Хаҗилар” мәчетендә балалар өчен җәйге дини курслар тәмамланды

21 июнь 2021 ел 11:26
Буаның “Хаҗилар” мәчетендә балалар өчен җәйге дини курслар тәмамланды

14 июньнән алып 20 июньгә хәтле Буа шәһәренең “Хаҗилар” мәчетендә Буа мөхтәсибәте белән берлектә балалар өчен җәйге дини курслар үтте. Буа мөгаллиме Ильяз хәзрәт Сабиров белән “Мөхәммәдия” шәкерте Мөхәммәд Гайнуллин сабыйларны Коръән укырга, гәрәпчә язарга, намаз тәртипләренә өйрәтте.

Өйлә намазыннан соң балалар мәчет янындагы спорт мәйданчыгында футбол уйнады. Нәни шәкертләр көн саен Гөлсинә ханым Сөләйманова белән Фидания ханым Хөсәинова тарафыннан әзерләнгән кайнар ризык белән тәэмин ителде. Курслар ахырында Буа имам-мөхтәсибе Илмир хәзрәт Хәсәнов шәкертләргә дин турында лекция сөйләп, мәчеттә укылган хәрефләрне онытмаска өндәде.

Курслар ахырында мәчет имамы Фәһим хәзрәт Сөләйманов мул табын артында  балаларны, мәхәллә халкын сыйлады. Шәкертләргә мөхтәсибәт исеменнән бүләкләр таратылды.

Ата-аналар шушы дини курсны оештыручыларга зур рәхмәтләрен җиткерде. Аллаһы Тәгалә алардан разый булсын.

Сурәт - 1
Сурәт - 2
Сурәт - 3
Сурәт - 4
Сурәт - 5
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана