Рамазанның соңгы ун көнен Татарстан мөфтие Камил хәзрәт Сәмигуллин Казанның “Тынычлык” мәчетендә игътикафта үткәрәчәк.
Пәйгамбәребез Мөхәммәд салләллаһу галәйһи вәсәлләм сөннәте буенча бу вакытны дога кылып, өстәмә намазлар башкарып, Коръән укып, уздырырга кирәк. Ункөнлекнең аеруча зур фазыйләте булып Кадер кичәсе тора. Камил хәзрәт Сәмигуллин игътикафка бүген кояш бату белән керәчәк һәм Рамазан ае тәмамлангач чыгачак.
15 июньдә Камил хәзрәт Сәмигуллин Казанның Галиев мәчетендә Ураза бәйрәменең гает-намазында катнашачак.
