Бүген Татарстан мөфтие Камил хәзрәт Сәмигуллин "Корстон" сәүдә-күңел ачу комплексында VIII Бөтендөнья татар яшьләре форумының тантаналы ачылышында катнашты. Форумны ТР Премьер-министры урынбасары, Бөтендөнья татар конгрессының "Милли Шура" рәисе Васил Габтелгаяз улы Шәйхразиев ачып җибәрде. Ул ТР Президенты Р.Н. Миңнеханов исеменнән форум делегатларын сәламләде һәм аларга нәтиҗәле эш теләде.
Форум ачылышында дәүләт учреждениеләре җитәкчеләре һәм мәдәни оешма вәкилләре, шулай ук җәмәгать эшлеклеләре катнашты.
Быелгы форумга 30 чит ил, Россия Федерациясенең 60 регионы һəм Татарстан районнарыннан 1000 артык делегат чакырулы. Форумда халкыбызның телен, мәдәниятен саклау һәм үстерү, яшь буынның, милләтебезнең үзенчәлеген саклауда тоткан роле каралачак.
