1 октябрьдән Галиев мәчетендә ислам диненең актуаль мәсьәләләре буенча ачык лекцияләр циклы үз эшен башлап җибәрә. Ни өчен хәнәфи мәзһәбе буенча гамәл кылу һәм аны саклау мөһим, исламда тарихи-мәдәни мирасның роле нинди – әлеге һәм башка сорауларга танылган белгечләр: галимнәр, остазлар, имамнар, дин эшлеклеләре җавап бирәчәк.
Шулай итеп, лекцияләр циклын “Мөхәммәдия” мәдрәсәсенең уку-укыту эшләре буенча мөдир урынбасары Зөлфәт хәзрәт Габдуллин ачып җибәрәчәк. Остаз һәр дүшәмбе көнне ястү намазыннан соң хәдис дәресләрен бирәчәк. Алга таба һәр сишәмбедә исламның актуаль темалары буенча лекцияләр, вәгазьләр укылачак. Чәршәмбе көнне Татарстан мөфтиенең шәригать мәсьәләләре буенча киңәшчесе Булат хәзрәт Мөбарәков хәнәфи фикъһен алып барачак. Пәнҗешәмбе көнне 18.00 сәгатьтә “Мөселман дискуссион клубы” үз эшен башлап җибәрәчәк. Рәхим итегез!
