Бүген Татарстан мөфтие Камил хәзрәт Сәмигуллин Дагыстан мөфтие шәех Әхмәд хаҗи Абдулаев белән очрашты. Очрашуда Чечен Республикасы мөфтие Сәлах хаҗи Межиев, шулай ук “Россия халыкларының бердәмлеген ныгытуда диннең роле” дип исемләнгән Бөтенроссия дини конференциясендә катнашкан башка мөхтәрәм затлар, гарәп илләреннән килгән дин галимнәре катнашты.
Камил хәзрәт Әхмәд хаҗига әлеге әһәмиятле чарага чакыру өчен рәхмәт белдерде.
Шәех Әхмәд хаҗи Абдулаев, билгеләп узганча, Дагыстан Республикасына шундый мөхтәрәм кунакларның килүе – бик зур һәм мөһим вакыйга. Бу, һичшиксез, тынычлык һәм тотрыклылыкны саклау өчен, туганлык мөнәсәбәтләрен һәм хезмәттәшлекне ныгытуга этәргеч булачак, дип ассызыклап үтте ул.
Моннан тыш, дин әһелләре өчен Дагыстан Республикасы мөфтияте бүлекләре буйлап экскурсия оештырылды.
