27 сентябрь көнне Чаллы шәһәре мөхтәсибәтендә мәчет имамнарының чираттагы җыелышы үтте. Аның беренче өлешендә “Экстремизмга – юк” айлыгы кысаларында мәчетләрдә башкарылган эш нәтиҗәләре белән танышу булды. Хәзрәтләрнең күп кенә сорауларына экстремизмга каршы көрәш бүлеге башлыгы Исмәгыйлев Илдар Таһир улы җавап бирде.
Утырышның икенче өлеше мәчет каршындагы укуларга һәм мөселман яшьләре белән эшләүгә багышланды. Имамнар алдагы елга уку программасы белән таныштылар, узган елларда булган укыту тәҗрибәсе белән уртаклаштылар.
Җыелыш ахырында һәр мәчеткә “Татарстан Диния нәзарәте мәчетләрендә намаз Әбү Хәнифә мәзһәбе буенча укыла” һәм “Намаз залына яланаяк керү тыела” дигән язулы рамкалар таратылды.
