Галиев мәчетендә ислам турында ачык лекцияләр циклы дәвам итә

15 октябрь 2018 ел 13:08
Галиев мәчетендә ислам турында ачык лекцияләр циклы дәвам итә

Галиев мәчетендә исламның актуаль мәсьәләләре буенча ачык лекцияләр дәвам итә. Дәресләр Ислам турындагы актуаль сорауларга танылган белгечләр: галимнәр, остазлар, имамнар, дин эшлеклеләренең үзләреннән турыдан-туры җавапларын алырга мөмкинлек бирә.

Мисал өчен, иртәгә, сишәмбе көнне, ястү намазыннан соң Галиев мәчете имамы Тимергали хәзрәт Юлдашев “Туганлык җебе” темасына вәгазь сөйләячәк. Шәригатебездә туганлык җепләрен саклау нинди урын били? Бу – фарыз гамәл. Туганлык җепләрен өзүчеләргә Аллаһы Тәгалә “Рәгыд (Күк күкрәү)” сүрәсенең 25 нче аятендә болай дип мөрәҗәгать итә: “Аллаһыга итагать итәргә гәһед (ант) биргәннән соң гәһедләрен бозучылар, Аллаһы Тәгалә өзмәскә кушканнарны өзеп, җир өстендә төрле бозыклыклар кылучыларга Аллаһның ләгънәте булачак һәм аларга бик яман йорт – җәһәннәм әзерләнгән”. Пәйгамбәребез Мөхәммәд салләллаһу галәйһи вә сәлләм: “Нәсел-нәсәпләрегезне белегез, туганлык җепләрен саклагыз”, – дигән.

Чәршәмбе көнне Татарстан мөфтиенең шәригать мәсьәләләре буенча киңәшчесе Булат хәзрәт Мөбарәков хәнәфи фикъһе буенча дәрес бирәчәк.
Пәнҗешәмбе көнне 17.30 сәгатьтә исә “Мөселман фикер алышу клубы” эшли.

Рәхим итегез!

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана