Бүген Баулы шәһәренең "Гали" мәчетендә Мәүлид көне уңаеннан чаралар узды. Шәһәр абыстайлары, мөгаллимәләр өчен бәйрәм викторина форматында үтте. Катнашучылар Пәйгамбәребез Мөхәммәд салләллаһу галәйһи вә сәлләм турында шигырьләр һәм мөнәҗәтләр әйтеп ярышты.
Баулы мөхтәсибәте атна дәвамында Мәүлид ән-Нәби уңаеннан чараларны дәвам итәчәк. Иртәгә иртәнге сәгать унда Исергәп авылы мәчетендә, җомга көнне Баулы шәһәренең "Өмет" мәчетендә вәгазь кичәләре һәм Мәүлид мәҗлесләре узачак.
