Мөфти Бөтендөнья татар конгрессы вәкилләре белән очрашты

19 ноябрь 2019 ел 14:06
Мөфти Бөтендөнья татар конгрессы вәкилләре белән очрашты

Бүген, Рабигыль-әүвәл аеның 22-нче көнендә, нәзарәттә Татарстан мөфтие Камил хәзрәт Сәмигуллин Бөтендөнья татар конгрессының Аксакаллар шурасы җитәкчесе Рәүф Хәсәнов һәм конгрессның “Туган җир” журналы мөхәррире, тарихчы Дамир Исхаков белән күреште. Очрашуда яшь буынга татар телендә дини белем бирү, милли традицияләр һәм гореф-гадәтләрне саклау мәсьәләре хакында сүз барды. Моннан тыш, Татарстан мөфтияте һәм татар оешмаларының республикабыздан читтә эшләүче татар үзәкләре, берләшмәләр белән хезмәттәшлек алып баруга караган актуаль сораулар каралды.

Очрашуда шулай ук КФУ студенты Райнур Хәсәнов та катнашты. Ул мөфтине Бөтендөнья татар яшьләре форумы тарафыннан эшләнгән “Ачык университет” онлайн укыту мәктәбе программасы белән таныштырды. Интернет аша алып барылучы әлеге дәресләр аша татар телендә өстәмә белем бирелә. Биредә видео, аудиолекцияләр, презентацияләр һәм тестлар бар. Проект шартлары буенча, бер дәреснең материалларын үзләштереп, сорауларга дөрес җавап биргәннән соң гына, киләсе дәрескә күчәргә мөмкин. “Ачык университет” проекты Татарстан мөфтиендә зур кызыксыну уятты. Бөтендөнья татар конгрессының Аксакаллар шурасы рәисе әлеге проектны ислам гыйлеме юнәлешендә дә үстерергә тәкъдим итте. Камил хәзрәт интернет аша онлайн-укыту буенча Болгар ислам академиясе белән бергәлектә эшләргә тәкъдим итте. “Бергәләп татар телендә динебезне үстерергә, рухи кыйммәтләрне сакларга язсын!” – дип җиткерде ул.

Очрашу ахырында мөфти хәзрәт кунакларга “Хозур” нәшрияты басмаларын бүләк итеп бирде.

Сурәт - 1
Сурәт - 2
Сурәт - 3
Сурәт - 4
Сурәт - 5
Сурәт - 6
Сурәт - 7
Сурәт - 8
Сурәт - 9
Сурәт - 10
Сурәт - 11
Сурәт - 12
Сурәт - 13
Сурәт - 14
Сурәт - 15
Сурәт - 16
Сурәт - 17
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана