14 майда “Хаҗилар” мәчетенең икенче имамы Шамил хәзрәт Вәлиуллин җитәкчелегендәге 13 кешелек делегация мәркәзебез Казанга сәфәр кылды. Тәҗрибә уртаклашу нияте белән оештырылган экскурсия шәһәрнең “Ярдэм” мәчетендә башланып китте. Фәнис хәзрәт Мингәрәев буалыларны мәчетнең тарихы белән таныштырды, биредә күзләре күрмәүчеләр өчен оештырылган тернәкләндерү үзәгендә алып барылган эшчәнлек, уку-укыту методикасы турында сөйләде. Өйлә намазын Буа кунаклары Кол Шәриф мәчетендә укыды, ислам музеен карады. Соңыннын алар “Мөхәммәдия” мәдрәсәсе шәкертләре белән очрашып, ачык дәрестә катнаштылар.
