Россия татар дин әһелләре алтынчы мәртәбә җыенга туплана

03 июнь 2015 ел 16:00

12-14 июнь көннәрендә Татарстан Республикасы башкаласы Казан шәһәрендә "Милли тормыш һәм дин" VI Бөтенроссия татар дин әһелләре форумы уздырыла. Бүген Бөтендөнья татар конгрессы Башкарма комитетында шул хакта матбугат очрашуы уздырылды. Журналистларга җыен хакында Бөтендөнья татар конгрессы Башкарма комитеты рәисе Ринат Закиров сөйләде.

Форумга имамнар Россиянең төрле төбәкләреннән дин өлкәсенә кагылышлы мөһим сораулар һәм мәсьәләләр буенча фикер алышу өчен җыелалар.  Быелгы форумга барлыгы 900 дән артык делегат чакырулы.

Җыенда Татарстан мөфтие Камил хәзрәт Сәмигуллин һәм республика районнары мөхтәсибләре дә катнашуы көтелә.  

Форум программасы кысаларында дин әһелләре 12 июнь көнне аерым секцияләргә бүленеп эшлиячәкләр:

1.   "Ислам   һәм   татар  дөньясы:   үсешнең   концептуаль   нигезләре" концепциясен тормышка ашыру программасы;

2. Татарларда дини йолалар һәм бүгенге җәмгыятьтәге торышы;

3. Мәктәп һәм дин;

4. Татар халкында дин һәм милли үзаң.

13    июнь   көнне,   "Корстон"   сәүдә-күңел   ачу   комплексында   ТР Президенты   вазыйфаларын   вакытлыча   башкаручы   Рөстәм   Миңнеханов катнашында пленар утырыш узачак.

14  нче июнь көнне, Форум делегатлары,   ТР Спасс районы Болгар шәһәрендә узачак "Изге Болгар җыены"нда катнашалар.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана