Дин әһелләре Камил хәзрәтне Изге Коръән буенча иҗазәт алуы белән котлыйлар

08 июнь 2015 ел 14:33

Татарстан мөфтие Камил хәзрәт Сәмигуллинны Коръән буенча иҗазәт алуы белән Кабардино-Балкария мөселманнары Диния нәзарәте рәисе, мөфти  Али Дзасежев котлады һәм изге теләкләрен җиткерде. 

Котлау телеграммасында: “Кабардино-Балкария мөселманнары Диния нәзарәте һәм шәхсән үз исемемнән Коръән буенча иҗазәт – Пәйгамбәребез (с.г.в.) тапшырган гыйлем буенча дәрәҗәгезне раслучы һәм гыйлемне саклаучы  икәнне күрсәтүче таныклык алуыгыз белән ихластан котлыйм. Бары Аллаһ ризалыгы өчен генә гыйлемгә тартылуыгыз һәм хезмәт куюгыз шундый югары гыйлем алырга нигез булгандыр дип ышанам”, - дигән сүзләр язылган. 

***

Татарстан мөфтие, мөхтәрәм дин әһеле Камил хәзрәт Сәмигуллин Изге Коръән буенча иҗазәт алды. Иҗазәт ул Коръәнне тулысынча ятлау, дөрес уку һәм аны башкаларга өйрәтә алу хакындагы  документ. Бу документ мөфти Камил хәзрәтнең Пәйгамбәребездән (с.г.в.) башланган һәм Коръәнне тапшыручы галимнәр аша өзелми килгән чылбырны дәвам итүче дин әһеле икәнен раслый.

Республикабыз мөселманнары, дин әһелләре җитәкчесенең бөтен ислам дөньясында зур дәрәҗәгә, мәртәбәгә ирешкән хәзрәт булуы - бар Татарстан өммәте өчен шатлык һәм горурлык.

Иҗазәт “бисмилла” сүзе белән башланып китә. Документта гыйлем алуның, ислам фәннәрен таратуның һәм гыйлемне чылбыр буенча – остаздан укучыга тапшыра килү мөһимлеге әйтелгән. Иҗазәттә остаз һәм аның укучысының исеме, Пәйгамбәрдн башлап чылбырны дәвам итүчеләр күрсәтелгән. Ахырда остазның мөһере һәм имзасы куелган.

Камил хәзрәт Изге Коръәнне дөрес итеп укырга Россия ислам университетында чылбырны дәвам итү хокукына ия булган Мисыр галиме Хәсән Хадидә укырга өйрәнде.

Шуны да әйтергә кирәк,  мөфти хәзрәтләренең  бик күп фәннәр буенча гыйлем тапшырырга хокукы бар. Әйтик, шәригать фәннәре буенча ул чылбырны шәех мөхәммәд Ризавидан соң дәвам итә. Бу иҗазәт фикъһе, фикъһе ысулы, гакыйдә, хәдис, хәдис ысулы, хөснел хат, сарыф (морфология) һәм нәһү (грамматика) буенча. Ул Пәйгамбәребездән (с.г.в.) башлап Әбу Хәнифә аша өзелми килгән чылбыр – иснәд булып тора.

Шулай ук мөфти хәзрәтләре азан һәм алты ышанычлы хәдисләр җыентыгын укыту буенча иҗазәткә ия. 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана