Камил хәзрәт Югары Осланда авыл имамнары белән очрашты

09 июнь 2015 ел 15:25

Бүген Татарстан мөфтие Камил хәзрәт Сәмигуллин Югары Ослан районына эшлекле сәфәр кылды. Сәфәре кысаларында  Түбән Моркваши авылында, М7 трассасында салына торган мәчет төзелешендә булды. Район имам-мөхтәсибе Гали хәзрәт Җиһаншин  мөфтине төзелеш барышы белән таныштырды. Иман йортының тәһарәт алу урыны, котельные тулысынча әзер инде. Хәзерге көндә намаз уку бүлмәсен  бизәу эшләре алып барыла. Мөфти махсус бүлеп куелган корбан чалу урынын да карады. Төзелешне карагач үзенең фикерләре, тәкъдимнәре белән уртаклашты.

Аннары мөфти хәзрәтләре Югары Осланның җәмигъ мәчетендә авыл имамнары белән күреште.  Имамнар белән очрашуда сүз, нигездә, рамазан аена хәзерлек, дини эшчәнлекне активлаштыру хакында барды. Мөфти имамнарга мөфтиятнең дини мирасыбызны саклауда һәм пропагандалауда зур роль уйный торган проектлары турында сөйләде. Традицион ислам кыйммәтләрен сакларга, өйрәнергә һәм халыкка җиткерергә чакырды.

Шуны да әйтергә кирәк, мөфти имамнарга дини эшчәнлек алып барулары һәм өммәтебез өчен зур тырышлык куюлары өчен Раббыбызның әҗер-савапларын теләде.  Шулай ук ул күп еллар динебезгә хезмәт иткән ике имамга нәзарәтнең рәхмәт хатларын тапшырды. 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана