Камил хәзрәт Ислам хезмәттәшлеге оешмасы Генераль секретаре Ийяд Мәдәни белән очрашуда катнашты

11 июнь 2015 ел 15:31

Бүген «Россия – ислам дөньясы» стратегик күзаллау төркеме утырышы кысаларында  Ислам хезмәттәшлеге оешмасы Генераль секретаре Ийяд Мәдәни Россия мөфтиләре белән очрашты. Очрашуда Татарстан Республикасы мөселманнары Диния нәзарәте рәисе, мөфти Камил хәзрәт Сәмигуллин, Россиянең баш мөфтие, Россия мөселманнарының Үзәк диния нәзарәте рәисе Шәйхелислам Тәлгать хәзрәт Таҗетдин, Россия мөфтиләре советы рәисе, Россия мөселманнары Диния нәзарәте рәисе, шәех Равил хәзрәт Гайнетдин, Мәскәү һәм Мәскәү өлкәсе мөфтие Әлбир хәзрәт Крганов, шулай ук Кырым мөселманнары Диния нәзарәте вәкиле катнашты.

Камил хәзрәт Татарстандагы дини вәзгыять хакында һәм бүгенге көндә мөфтият алып барган эшчәнлек хакында сөйләде. Мәгърифәт һәм дәгъват эшләрен алып барыр өчен тудырылган мөмкинлекләр, Татарстан мөселман инфраструктурасы үсеше турындагы фикерләрен җиткерде. Мөселман өммәте һәм динебез үсеше өчен оештырылган проектларга тукталды.

Ийяд Мәдәни үз чиратында мөфтиләргә Россия төбәкләрендә ислам үсешенә куйган хезмәтләре өчен рәхмәтен белдерде. 

Сурәт - 1
Сурәт - 2
Сурәт - 3
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана