Коръәнгә багышланган фестивальдә Татарстан мөфтиятенең Изге Китапка кагылышлы эшләре тәкъдим ителде

15 июль 2015 ел 16:13

Бу көннәрдә Мәскәүдә беренче мәртәбә оештырылган халыкара Коръән фестивале уздырыла. 13 июльдә Россия, Ливия, Алжир, Фәлистин һәм башка илләрнең дин әһелләре, вәкаләтле вәкилләре катнашында ачылган фестиваль беренче аятьләр иңгән рамазан ае уңаеннан оештырылды.

Фестиваль кысаларында Россия, Иран, Әзербайҗан, Казахстан, Төркия, Һиндстан, Таҗикстан мөселманнары проектлары, эшләре, мәдәнияте белән танышу мөмкинлеге тудырылды. Шулай ук Изге Китапны русчага тәрҗемәсе тәкъдим ителде, Коръәнне өйрәнү буенча сөйләшүләр, осталык дәресләре уздырылды.  

Татарстан мөселманнары Диния нәзарәте проектлары белән мөфтинең беренче урынбасары Рөстәм хәзрәт Батыр таныштырды. Рөстәм хәзрәт фестивальдә катнашучыларга ел дәвамында мәчетләрдә Коръән өйрәнү буенча түгәрәкләр оештырылуы, Кол Шәриф мәчетендә тәүлек дәвамында Изге Китап укылуы, күптән түгел көндезге вакытта Болгардагы Ак мәчеттә Коръән укыла башлануы хакында җиткерде.

Шулай ук Рөстәм хәзрәт нәзарәт тарафыннан “Казан басмасы”ның яңа нөсхәләре әзерләнүе хакында сөйләде.

 Фестиваль Россия мөфтиләр советы һәм Иран илчелеге көче, шулай ук  Татарстан, Башкортстан, Дагыстан нәзарәтләре, Ислам мәдәниятен өйрәнү фонды, Фараби институты ярдәмендә оештырылды. 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана