Татарстан мөфтие Камил хәзрәт: "Хәерле эшләрдә хезмәттәшлек итик"

27 август 2015 ел 11:52

Бүген Татарстан мөфтиятенә 26 июньдә “Казан - Арена” стадионында өченче мәртәбә үткәрелгән Республика ифтары иганәчеләре җыелды. Мөфти 5 меңнән артык кешене җыйган зур ифтарны уздыруга матди ярдәм күрсәтүчеләр белән очрашты һәм аларга рәхмәтен белдерде.  Очрашуда шулай ук ифтарны оештыруда зур активлык күрсәткән мөселман эшкуарлары ассоциациясе җитәкчесе Марат Кабаев катнашты.

Татарстан мөфтие Камил хәзрәт Сәмигуллин предприятиеләр һәм оешмалар җитәкчеләренә нәзарәтнең рәхмәт хатларын тапшырды. Камил хәзрәт аларга республикакүләм хәйрия чарасында катнашулары, мөселманнарга ярдәм итүләре, ифтар ашына үз өлешләрен кертүләре өчен Аллаһы Тәгалә бәрәкәт, иминлек, саулык бирсен, дип теләде. Алга таба да хәерле эшләрдә хезмәттәшлек итәргә чакырды.

Зур хәйрия ифтарын уздыруга  «Татнефтепродукт», «Мелита», «Татхимфарпрепараты»,  «Гипрнииавиапром», «АИКБ Татфондбанк», «Сөт эшкәртү комбинаты», “Бәхетле”, “Татэнергосбыт” һәм башка оешмалар катнашты. Очрашуга килгән әлеге компанияләр вәкилләренә үзенчәлекле истәлек бүләкләре тапшырылды.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана