Камил хәзрәт “Дин һәм бердәйлек: бүгенге заман чакырулары” дип аталган түгәрәк өстәлдә катнашты

03 сентябрь 2015 ел 15:04

Быел Казандагы синагога 100 еллыгын билгеләп уза. Шул уңайдан бүген Казанда төрле дин әһелләре катнашында “Дин һәм бердәйлек: бүгенге заман чакырулары” дип аталган түгәрәк өстәл уздырылды. Сөйләшүдә Татарстан мөфтие Камил хәзрәт Сәмигуллин, аның урынбасарлары Рәфыйк Мөхәммәтшин, Илдар хәзрәт Баязитов, Россия баш раввины Берл Лазар, Казан һәм ТР раввины Ицхак Горелик, православие руханилары һәм башкалар булды.   

Камил хәзрәт татар дин әһелләренең милләтара һәм динара татулыкны саклауга керткән өлеше хакында чыгыш ясады.

“Татарлар – дөньяда иң төньякта урнашкан мөселманнар. Татарстан исә Россия өчен Ислам капкасы дип әйтергә мөмкин. Татар халкы бөтен дөнья өммәтенә билгеле шәхесләрее Ш. Мәрҗани, Курсави, Галимҗан Баруди, Зәйнулла Рәсүлев, Муса Бигиев, Габдрахман Утыз Имәни, Зәйнулла Рәсүлев, Муса Бигиев, Р. Фәхретдинов, Мөхәммәд Мурад Рәмзи, Исмәгыйль Гаспринский һәм башка бик күпләр белән горурлана алабыз. Аларның хезмәтләрен дөнья күләмендә билгеле уку йортларында өйрәнәләр. Безнең бабаларыбыз традицион хәнәфи дини өйрәтүләренә таянып дустанә мөнәсәбәтләр корганнар”, - диде ул.

Шулай ук бүген Камил хәзрәт синагогада узган очрашуда үзенең котлавын да җиткерде.  “Аллага шөкер, дин тыелган заманнар узды. Мөселманнар, яһүдләр, православия җәмгыятьләре бик зур сынаулар уздылар. Гыйбадәтханәләрне җимерделәр, дин әһелләренә төрле ялалар ягылды, гомерләре өзелде, каторгаларга җибәрелде. Бүген без, төрле дин вәкилләре бергәләп төрле иҗтимагый эшләрдә катнашабыз. Җәмгыятебезнең рухи ягын ныгытырга омтылабыз”, - диде ул.  

Сурәт - 1
Сурәт - 2
Сурәт - 3
Сурәт - 4
Сурәт - 5
Сурәт - 6
Сурәт - 7
Сурәт - 8
Сурәт - 9
Сурәт - 10
Сурәт - 11
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана