Мөфти Камил хәзрәт Сәмигуллин Татарстан Президенты инаугурациясе тантанасында катнашты

18 сентябрь 2015 ел 14:00

Бүген Рөстәм Миңнеханов Татарстан Республикасы Президенты вазифасына кереште. С.Сәйдашев исемендәге Зур концерт залында Татарстан Президенты инаугурациясе тантанасы уздырылды. Әлеге мәртәбәле чарада Татарстан мөфтие Камил хәзрәт Сәмигуллин катнашты.

Инаугурация тантанасында 700 дән артык кеше чакырулы иде, шул исәптә депутатлар, ТР Хөкүмәте әгъзалары, министрлыклар һәм ведомстволар, предприятиеләр җитәкчеләре, хакимиятнең федераль органнары, иҗтимагый оешмалар вәкилләре, Россия төбәкләре җитәкчеләре һәм башкалар.

Рөстәм Миңнехановның ТР Президенты вазифасына керешү тантанасын ТР Дәүләт Советы Рәисе Фәрит Мөхәммәтшин ачты. Аннары залга Россия һәм Татарстан дәүләт флаглары, шулай ук Президент штандарты кертелде.

Аннары Рөстәм Миңнеханов Конституцияләргә кулын куеп ант текстын әйтте.

"Татарстан Республикасы халкына тугры хезмәт итәргә, гражданнар хокукларын һәм ирекләрен, ТР Дәүләт суверенитетын тәэмин итәргә, Россия Федерациясе Конституциясен, Татарстан Республикасы Конституциясен һәм Татарстан Республикасы законнарын үтәргә, миңа йөкләнгән Татарстан Республикасы Президенты югары вазифаларын намуслы башкарырга тантаналы төстә ант итәм", - диде ул.

Россия Федерациясе һәм Татарстан Республикасы гимннары яңгырады.

"Татар-информ"

Фотолар:  intertat.ru, Cолтан Исхаков, tatarstan.ru

Сурәт - 1
Сурәт - 2
Сурәт - 3
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана