Гаилә мәчете коллективы сабыйлар өчен Корбан бәйрәменә багышлап бик күркәм бәйрәм оештырды

28 сентябрь 2015 ел 10:18

Татарстан мөфтие урынбасары Рөстәм хәзрәт Хәйруллин җитәкчелегендә Гаилә мәчете коллективы сабыйлар өчен Корбан бәйрәменә багышлап бик күркәм бәйрәм оештырды, Аллаһы Тәгалә разый булсын. Төрле уеннар, батутлар, пони, ишәк, паровозы - барысы да мәчет ишегалдына сыйды. "Татлы мамык"ка һәрвакыттагыча озын чират сузылды (боларны оештырып китереп, үз исемнәрен белгертергә теләмәгән эшмәкәрләргә Аллаһының рәхмәте булсын, эшләре уң булсын). Казанның Профсоюзлар урамындагы "Робаи" ("Робагый") рестораны (администраторы - Динара Икрамова, повар - Шамшут Рахмонов, волонтер кызлар) корбан итеннән әзерләнгән тәмле пылау белән сыйлады, әҗер-савабын язсын. Венера Ганиева укучысы Зөһрә Насипова моңлы мөнәҗәтләре белән бәйрәмгә ямь өстәде, бик зур рәхмәт, алдагы бәйрәмнәрдә дә көтеп калабыз (аны бирегә юллаган Венера Шәмиева белән "Тәртип" радиосына да рәхмәт яусын). Гаилә мәчете чын мәгънәсендә Азиноның, Казанның күркенә әйләнде. Халык, бигрәк тә сабыйлар мөселман бәйрәменең гүзәллеген аңлый башлады. Алга таба да аралашып яшәп, бәйрәмнәребезне шушылай матур итеп үткәреп, Аллаһының рәхмәтенә якынаерга насыйп булсын!

Сурәт - 1
Сурәт - 2
Сурәт - 3
Сурәт - 4
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана