Дәгъват бүлеге җитәкчесе Балтач шәкертләре белән очрашты

15 гыйнвар 2016 ел 09:46

14 гыйнварда Арчада Балтач мөхтәсибәтендә дини белем алучы студентлар белән очрашу булды. Чарада нәзарәтнең дәгъват бүлеге җитәкчесе Нияз хәзрәт Сабиров, Балтач мөхтәсибәтенең үзәк мәчете имам-хатыйбы Рамил хәзрәт Бикбаев, мөгаллимнәр, “АРСКОЕ АТП” оешмасы җитәкчесе Рүзәл Баязитов, мөнәҗәтче Ильяс Халиков катнашты.

Нияз хәзрәт Сабиров үзенең чыгышында мөфти хәзрәтләренең сәламләүләрен һәм үгет-нәсыйхәтләрен җиткерде, белем алү әһәмияте турында вәгазь сөйләде.

“Шәригать турында белемнәребезне көндәлек тормышыбызда куллану кирәк. Пәйгамбәребез: “Адәм баласы вафат булганнан соң, бөтен эшләре туктый, бәлки бу эшләре генә артыннан барып, савап биреп торыр: халык өчен файда алырлык рәвештә калдырган гыйлеме, изге баласы, мирас итеп калдырган Коръән китабы, төзегән мәчете, юлчылар файдалансыннар өчен салдырган йорты, агызып калдырган елгасы, үзе сәламәт вакытында чыгарып калдырган садакасы. Шул нәрсәләрнең савабы үзе артыннан каберенә һаман барып торыр””,  дип сөйләде хәзрәт.

Ильяс Халиков төрле эчтәлектәге мөнәҗәтләр башкарды. Чара кысаларында Пәйгамбәребез Мөхәммәд  салләлаһү гәләйһи вә сәлләмнең тормыш юлына багышланган викторина оештырылды, җиңүчеләргә кыйммәтле бүләкләр тапшырылды.

Сурәт - 1
Сурәт - 2
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана