Бүген Гаилә мәчетендә «Мөселман гаилә психологларын әзерләү программасы» темасына түгәрәк өстәл була

21 гыйнвар 2016 ел 08:03

21 гыйнварда сәгать көндезге 2 дә Казанның Гаилә мәчетендә «Мөселман гаилә психологларын әзерләү программасы» темасына түгәрәк өстәл оештырыла. Әлеге җыелыш кысаларында мәчет каршындагы мөгаллимнәргә каралган мәгърифәти проект буенча фикер алышу планлаштырыла.

Түгәрәк өстәлнең максаты – мөселман кыйммәтләрен күздә тотып гаиләләргә психологик ярдәм күрсәтә алучы психолог-консультантлар булдыру.

Чарада Россия ислам институты мөгаллимнәре, Татарстан мөселманнары Диния нәзарәте хезмәткәрләре, Казан имамнары, мәчетләр каршында белем бирүче мөгаллимнәр, җәмәгать эшлеклеләре катнашуы көтелә.

Оештыручылар: Татарстан мөселманнары Диния нәзарәте, Россия ислам институты, азан федераль университеты тарафыннан Халыкара мөнәсәбәтләр, тарих һәм көнчыгышны өйрәнү институты базасында эшләүче Ислам дине белемен һәм исламны өйрәнү  мәгарифен үстерү буенча ресурс үзәк.

Аерым алганда, җыелышта экспертлар  мөселман гаилә психологларының тормыш юлдашын сайлау, гаиләдә уңай мөнәсәбәтләр булдыру, гаиләне саклау кебек мөһим темаларда нинди ярдәм кертә алуы турында сөйләшәчәкләр.

Мөфти урынбасары Рөстәм хәзрәт Хәйруллин әйтүенчә, гаилә – дин, аң, милек, тән һәм нәселне саклау гаранты, шулай ук Аллаһ кыршында зур савап алу чыганагы, шуңа күрә гаилә кыйммәтләрен саклау кирәкле эш.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана