Татарстан мөфтие Борындык авылы мәчетенең 120 еллыгын бәйрәм итү чарасында катнашты

20 гыйнвар 2016 ел 15:06

Бүген Кайбыч районы Борындык авылында икенче җәмигъ мәчетнең 120 еллыгын билгеләп үттеләр. Бәйрәм чарасында ТР МДН рәисе, мөфти Камил хәзрәт Сәмигуллин, Кайбыч районы башлыгы Альберт Рәхмәтуллин, имам-мөхтәсиб Дамир хәзрәт Гыйниятуллин, Көньяк-көнбатыш төбәге казые, Тәтеш районы мөхтәсибе Инсаф Җәләлетдинов, район имамнары һәм авыл халкы катнашты.

Күркәм гадәт буенча чара Коръән аятьләрен уку һәм Ватаныбызга тынычлык һәм бәракәт сорап дога кылу белән башланды. Мөфти Камил хәзрәт халыкка республика мөселманнары исеменнән тәбрикләү сүзләрен җиткерде.

“Дин кардәшләремне чын күңелдән мәчетнең 120 еллыгы белән котлыйм. Аллаһка шөкер сез бу бәйрәмне яңартылган мәчеттә каршылыйсыз. Киләчәктә дә әлеге бай тарихлы иман йорты динебез кыйммәтләрен таратуда өзлексез хезмәт күрсәтсен һәм мөселманнар өчен дини-әхлакый үзәк булып торсын”, - дип белдерде мөфти хәзрәтләре.

Авыл халкына котлау сүзләрен шулай ук район башлыгы Альберт Рәхмәтуллин, мөхтәсиб Дамир хәзрәт Гыйниятуллин, мәчет имам-хатыйбы һәм башка чакырылган кунаклар җиткерде. Рамил Гарафиев кунакларны төзекләндерү тарихы белән таныштырды.

Чара кысаларында дини өлкәдә зур тырышлык куйган дин әһелләренә Татарстан мөфтиенең рәхмәт хатларын тапшырдылар. Бәйрәм өйлә намазы белән тәмамланды.

Сурәт - 1
Сурәт - 2
Сурәт - 3
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана