Чистай мөселман яшьләре берлегенең эшчәнлеген уңай бәяләделәр

16 февраль 2016 ел 10:35

Үткән ялларда Чистай мөселман яшьләре берлеге еллык эшкә нәтиҗә ясады. Әлеге оешма бер ел элек кенә оешкан булса да, шактый күп эшләр башкарырга өлгергән икән. Чарага килгән Чистай мөхтәсибе Мөхәммәд хәзрәт Кыямов яшьләргә үзенең тәбрикләү сүзләрен җиткерде.

“Бер ел аралыгында сез көчле һәм шәһәр яшьләрен берләштергән оешма төзи алдыгыз. Без бергә күп кенә проектларны чынга ашырдык. Киләчәктә дә яңа үрләр көтә дип өметләнәм. 2016 ел мөхтәсибәтебездә “Рухи бердәмлек елы” дип игълан ителде, шуңа күрә быел без районыбыз мөселманнарын берләштерүгә юнәлдерелгән чаралар оештырырга тиеш”, - дип сөйләде Мөхәммәд хәзрәт.

“Чистай шәһәре” МБ башлыгы урынбасары Михаил Ксенофонтов шулай ук ошманың эшчәнлеген уңай бәяләде һәм район башлыгы Дмитрий Ивановның рәхмәтләрен тапшырды.

Чистай мөселман яшьләре берлеге җитәкчесе Азиз Фәйзуллин оешма тарафыннан 2015 елда үткәрелгән чаралар турында сөйләде. Чара кысаларында оешманың яңа җитәкчесен сайладылар. Җитәкче итеп бер тавыштан активист Адел Мөхәмәтшин сайланды. Яңа җитәкче оешманың агымдагы елга бурычларын билгеләде.

Рәсми өлештән соң оешма активистлары саф һавада команда да эшләү күнекмәләрен арттыругы юнәлдерелгән уеннарда катнашты.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана