Мөфти Бөтендөнья татар конгрессы җитәкчесе белән очрашты

04 март 2016 ел 16:30

Бүген Татарстан мөфтие Камил хәзрәт Сәмигуллин Бөтендөнья татар конгрессы Башкарма комитеты рәисе Ринат Закиров белән очрашты. Конгресста үткәрелгән очрашуда сүз “Милли тормыш һәм дин” Бөтенроссия татар дин әһелләре форумы хакында барды. Имамнар җыенына әзерләнүгә кагылышлы мәсьәләләр турында сөйләштеләр. Шулай ук очрашу вакытында конгресс һәм нәзарәт вәкилләре татар авылларындагы  имамнарның хәле турында фикерләштеләр.

Сөйләшүдә мөфти урынбасары, РИУ ректоры Рәфыйк Мөхәммәтшин, ТР МДН Аппараты җитәкчесе Ришат Хәмидуллин, Бөтендөнья татар конгрессы рәисе урынбасары Марс Тукаев катнашты.

“Милли тормыш һәм дин”  Бөтенроссия татар дин әһелләре форумын быел 19-21 май көннәрендә уздыру ниятләнелә. Быел ул җиденче мәртәбә оештырыла. 21 майда Идел буе Болгар дәүләтенең Ислам динен рәсми кабул итү көнендә форум делегатлары һәм кунаклары Болгар җыенында катнашыр дип көтелә. Шулай ук 21 майда Болгар ислам академиясе бинасына нигез салыначак.  

Узган ел җыен 12-14 июнь көннәрендә үткәрелгән иде. Әлеге чарада Россиянең 60 лап төбәгеннән 900 делегат катнашты.  

Сурәт - 1
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана