Ислам динен кабул итүгә 1000 ел исемендәге мәдрәсәдә очрашу узды

08 апрель 2016 ел 15:17

8 апрель көнне Ислам динен кабул итүгә 1000 ел исемендәге Казан югары мөселман мәдрәсәсенә очрашуга Татарстан мөфтиенең беренче урынбасары Рөстәм хәзрәт Батыр килде.

Мәдрәсә мөдире Ильяс хәзрәт Җиһаншин, кунак белән таныштырып, Рөстәм хәзрәтнең хәнәфи мәзһәбен һәм Әбу Хәнифәнең тормыш юлын һәм мирасын өйрәнү юнәлешендә эзлекле эшләвенә басым ясап, соңгы елларда милли хәзинәбезне саклау өлкәсендә дә җиң сызганып татар шәмаилләрен барлауда хезмәт куюын билгеләп узды.

Рөстәм хәзрәт Батыр һәртөрле галимнәр, зыялылар белән очрашуларның дәвамлы булуын теләде һәм мөселман халыкларының һәркайсында ислам каллиграфиясенең үзенә генә хас традицияләре, үсеш үзенчәлекләре булуын җиткерде. “Татарлар да гомуммөселман каллиграфиясе үсешенә үзеннән лаеклы өлеш керткән. Халкыбыз шамаил ясауның уникаль тәртибен булдырган: татар шамаилләре элек-электән пыялага язылып, ялтыравык фольга файдаланып һәм милли бизәкләр төшереп эшләнгән”, – диде ул.

Очрашу дәвамында Татарстан мөфтиенең беренче урынбасары мөселман архитектурасы һәм бизәлеш сәнгатенә хас орнаментлар турында да кызыклы мәгълүматлар бирде.

Ахырдан Рөстәм хәзрәт Батырга мәдрәсәнең хәзинәсе булган, кулдан-кулга йөреп гасырлар дәвамында укылган борынгы басма Коръән нөсхәсе тапшырылды һәм җомга намазы укылды. 

Сурәт - 1
Сурәт - 2
Сурәт - 3
Сурәт - 4
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана