string(36) "http://dumrt.ru/news/news_17365.html"
20.04.2017 13:00

Бүген  мөфти Камил хәзрәт Сәмигуллин ТР Президенты Рөстәм Миңнеханов җитәкләгән делегация составында Фирдәүси исемендәге Мәшһәд университетында булды.

Татартан Президентын Хөрәсән-Резави провинциясе губернаторы Али Реза Рәшидиян, Россия Федерациясенең Иран Ислам Республикасындагы Гадәттән тыш һәм Тулы вәкаләтле Илчесе Леван Джагарян, Татартан Республикасы Президенты ярдәмчесе Радик Гыйматдино, Татарстан Республикасының Архив эше буенча дәүләт комитеты рәисе Ирада Әюпова, Казан федераль университетының тышкы элемтәләр буенча проректоры Линар Латыпов һәм башкалар озата йөрде. 

Бүгенге очрашу нәтиҗәсе буларак  КФУ һәм Фирдәүси имемендәге университет арасында хезмәттәшлекне күздә тоткан килешү имзаланды.

Моңа кадәр татарстанлылар Иранның Хөрәсән-Резави провинциясе губернаторы Али Реза Рашидиян белән очрашкан иде. Ике як мәдәният, мәгариф, технологияләр өлкәләрендә, туризмда, хәләл базар тармагында, күргәзмә эшчәнлектә, инвестицион хезмәттәшлектә үзара багланышларны арттыру хакында да фикер алышты.

Бүген Татарстан делегациясе имам Реза комплексында һәм Мәшһәд шәһәренең сәүдә-сәнәгать палатасына барырга планлаштыра.

ТР Президенты матбугат хезмәте материаллары кулланылды