string(36) "http://dumrt.ru/news/news_18560.html"
12.09.2017 16:47

13 нче сентябрьдән 14 нче сентябрьгә каршы төндә “Казан” аэропортына Татарстан хаҗиларыннан торган ике рейс кайтып төшәчәк. Хаҗиларның күпчелеген республиканың зур шәһәрләрендә яшәүчеләр тәшкил итә. 40 кешелек беренче төркем Зөлфәт хәзрәт Габдуллин җитәкчелегендә “ДУМ РТ Хаҗ” программасының “Стандарт” пакеты буенча изге җирләрдә булды (Җиддә – Казан белән туры рейс ясады). Йөз кешелек икенче төркем катнаш маршрут белән “Хаҗ-эконом” пакеты буенча Мәккәгә барды. 00.50 сәгатьтән 02.00 сәгатькә кадәр аэропортта аларны Татарстан мөфтие Камил хәзрәт Сәмигуллин каршы алачак. Искә төшерәбез, быел Татарстаннан 1700 кеше хаҗ кылды. Хаҗиларны алып бару өчен 12 табиб җәлеп ителде.

Элегрәк Татарстан Республикасының барлык мөхтәсибәтләрендә хаҗилар өчен махсус дәресләр оештырылган иде. Лекцияләрдә теологлар һәм имамнар Согуд Гарәбстаны законнарын, хаҗиларның бурычларын аңлаттылар.

Массакүләм мәгълүмат чараларын аккредитацияләү 2017 нче елның 13 нче сентябренә кадәр 89172939706 телефоны буенча алып барыла.