Ислам традицияләре буенча, вафат булган туганнарың турында истә тоту гына җитми, башка мөселман кардәшләр күмелгән каберләрне дә карап торырга кирәк.
Әлеге традициягә таянып, Чистай мөселман зиратында шәһәр имам-мөхтәсибе Мөхәммәд хәзрәт Кыямов, Чистай аксакаллары һәм имамнар катнашында өмә узды. Алар зиратны чүп-чардан һәм корыган агач ботакларыннан чистартты, каралмаган каберләргә игътибар итте.
Шәһәр имам-мөхтәсибе сүзләренә караганда, мондый өмәләр Чистай мөхтәсибәтенең матур традициясенә әйләнде. “Без һәрвакыт бабаларыбызны истә тотарга һәм аларның каберләрен карап торырга тиешбез. Хәдисләрдә зиратка бару тәкъвалыкны көчәйтә, фикер йөртергә һәм киләчәк тормыш турында уйларга этәрә диелә.
