Татарстан мөфтие бүген Мәскәүдә Россия динара советы утырышында катнаша. Әлеге чарада Патриарх Кирилл, Динара совет Президиумы әгъзаларының чыгышлары көтелә. Утырыш ахырында мәдәният өлкәсендә дин тотучыларның хис-тойгылары кимсетелүгә караган, сәнгать әһелләренең мораль җаваплылыгы һәм иҗади иреге мәсьәләләре буенча гариза кабул ителер дип көтелә. Татарстан мөфтие Камил хәзрәт Сәмигуллинның да чыгышы көтелә.
Россия динара советы 1998 елда оеша. Ул рухи лидерларны һәм Россия Федерациясенең дүрт конфессия вәкилләрен берләштерә: ислам, православие, яһүд һәм будда диннәре. Татарстан Республикасы мөселманнары Диния нәзарәте Россия динара советына 2017 елның февралендә керде, бу - Татарстан мөфтияте эшчәнлеген федераль дәрәҗәдә җитди тану дигән сүз.
