Бөгелмәдә “Сәлам” үзәгендә рухи-сәламәтләндерү курслары башлана. Үзәк мәчеттә алар 30 октябрь – 3 ноябрь көннәрендә булачак. Малайлар һәм кызларны бай мәдәни-уку программасы көтә: дәресләр ислам дине нигезләре, Коръән сүрәләре һәм гарәп алфавиты белән танышу, Коръәнне һәм азанны белү буенча викторина һәм конкурслар, музей, паркларга бару, спорт, сәламәт яшәү рәвеше буенча чаралар уздыру каралган.
Дәресләрне Бөгелмә мәчете имамнары һәм Урыссуның “Фәнис” мәдрәсәсе студентлары уздырачак.
Белешмәләр өчен телефон: (85594) 4-16-98.
