5 ноябрьдә Әгерҗе шәһәре "Нур" мәчете каршындагы мәдрәсә бинасында Коръән уку бәйгесе узачак. Әлеге чара иртәнге тугызда (09.00) башлана.
Бәйге дүрт яшь төркемендә оештырыла (7 яшькә кадәр, 7-12 яшьлекләр, 12-16 яшьлекләр, 16 яшьтән өлкәнрәкләр). Төп таләп – Коръәнне тәҗвид кагыйдәләре буенча дөрес, аһәңле уку. Конкурс ир-атлар һәм хатын-кызлар арасында оештырыла.
Жюрига Алабугадан Коръән-хафиз Илгизәр хәзрәтне көтәләр.
Хәзерге вакытта конкурста катнашу өчен 26 кеше теләк белдергән. Язылучылар арасында өч яшьлек бала да бар. Кызыксындырган сорауларны algizzattu@gmail.ru электрон адресына язып җибәрергә кирәк.
