Татарстан мөфтиенең беренче урынбасары татар телен саклау һәм үстерү, өйрәнү һәм өйрәтү буенча республикабыз халкына видеомөрәҗәгать белән чыкты.
“Бөек иҗади уңышларга ирештергән туган телебезне безнең милләткә Аллаһы Тәгалә бүләк иткән. Шушы телебезне саклауда һәм балаларыбызга өйрәтеп калдыруда һәрберебез үзенең өлешен кертсә иде. Үз телебезне онытмыйча, аның киләчәге турында чын күңелдән кайгыртып яшәсәк иде”, – дип мөрәҗәгать итә ватандашларына Рөстәм хәзрәт Вәлиуллин.
Исегезгә төшерәбез, моңа чаклы телне саклау һәм өйрәнү тәкъдимнәре белән Татарстан мөфтие Камил хәзрәт Сәмигуллин һәм аның урынбасары Мансур хәзрәт Җәләлетдин чыккан иде.
