Пәйгамбәребез Мөхәммәд салләллаһу галәйһи вә сәлләм: “Бер-берегезгә бүләкләр бирешегез, ул сезнең арагызда сөю һәм хөрмәт хисләрен арттырыр”, – дигән. Татарстан мөселманнары Диния нәзарәтенең “Хозур” нәшрият йорты чыгара торган “Дин вә мәгыйшәт” газетасына язылу бүләк итү – әти-әниләрегезгә һәм туганнарыгызга Мәүлид ае уңаеннан зур бүләк булыр! Ислам дине турында, рәсүлебез әйтеп калдырганча, матур, күркәм һәм аңлаешлы итеп җиткерик.
“Дин вә мәгыйшәт” газетасы айга бер тапкыр нәшер ителә. 2018 нче елның беренче яртыеллыгына П4333 индексы белән Татарстанның барлык почта бүлекләрендә язылырга мөмкин. Ярты елга язылу бәясе – 132 сум. Шулай ук https://podpiska.pochta.ru һәм https://uslugi.tatarstan.ru сайтларына кереп («Подписка» бүлеге), газетаны өйгә алдырырга була.
2017 елда «Дин вә мәгыйшәт» газетасының беренче саны әлеге басманың 110 еллык юбилеена багышлап дөнья күрде. 1906 елның 31 декабрендә Оренбург шәһәрендә «Дөнья вә мәгыйшәт»нең беренче саны дөнья күрә. Киләчәктә «Дин вә мәгыйшәт» дип атала башлаячак әлеге дини журнал чагыштырмача озын гомерле була – ул 12 ел дәвамында чыгып килә. Аның нәшире – билгеле татар хәйриячесе улы, мулла, сәүдәгәр Мөхәммәтвәли Габделгани улы Хөсәенов була. 1993 елдан Татарстан Республикасы мөселманнары Диния нәзарәтенең газетасы чыга башлый. Газетаның максатыннан, эчтәлегеннән, асылыннан чыгып, ул да «Дин вә мәгыйшәт» дип атала.
