Истанбулда Төркия Президенты Рәҗәп Тайип Эрдоган һәм Ислам хезмәттәшлеге оешмасы (OrganisationIslamicCooperation (OIC) тәкъдиме белән Бөтендөнья хәләл саммит (WorldHalalSummit) һәм «OICHalalExpo 2017» күргәзмәсе уза.
Татарстан Республикасын әлеге чараларда Үзәкләшкән дини оешма – Татарстан Республикасы мөселманнары Диния нәзарәтенең “Хәләл” стандартлары буенча комитет тәкъдим итте. Комитет рәисе Марат Низамов җитәкчелегендәге делегация оештыручылар тарафыннан югары бәя алды, алар шулай ук «Kazansummit 2018» кысаларында «RussiaHalalExpo 2018» чарасын үткәрү турында кызыксынуларын белдерделәр.
Саммитта бөтен дөньядан җиде меңнән артык кеше катнашты, күргәзмәләрдә 150 җитештерүченең мөселманнар өчен косметикасы, ашамлыклары һәм дарулары тәкъдим ителде.
