Бүген Казанның Галиев мәчетендә Камил хәзрәт Сәмигуллин Иваново өлкәсенең мөфтие һәм татар милли-мәдәни автономия рәисе Фәрит Госман улы Ляпин белән очрашты. Әңгәмә барышында Татарстан мөфтие республикабызның дини эшчәнлек алып баруда көчле булуын, милли мәсьәләләрдән – татар телендә укыту, мөфтияттә телне үстерүгә зур әһәмият бирелүен белдерде. Шулай ук ислам динендә фундаменталь хезмәт – имам Әбу Мансур әл-Матуридиның “Китаб әт-тәүхид” хезмәте беренче тапкыр рус телендә чыгарылу турында әйтте. Дөньядагы барлык стандартларны күздә тотып, Коръәннең “Казан басма”сы күп тираж белән басылып чыгу, дин нигезләрен өйрәнә башлаучылар өчен “Ислам дине нигезләре” әсбабы таратылып, мөселман кардәшләребезнең шатлыгы белән уртаклашты. Камил хәзрәт нәзарәтнең “Хозур” нәшриятында басылган әлеге һәм башка китапларны Иваново өлкәсе мөфтиенә бүләк итте. Шулай ук интернет аша тыңлап була торган “Азан” радиосы, тиздән ачылачак беренче мөселман телевидениесе турында сөйләде. Фәрит Госман улының татар теленең киләчәге мәсьәләсе буенча борчылуларына җавап итеп, озакламый Казан мәчетләрендә эшли башлаячак татар теле курслары хакында җиткерде.
Камил хәзрәт Иваново өлкәсе мөфтие белән очрашты
30 ноябрь 2017 ел 14:59
Соңгы яңалыклар
ТР Рәисе һәм Мөфти катнашында Яшел үзән районы Яңа Тура авылында яңа мәчет ачылды
14 март 2024 ел 13:25
Журналистларны 12нче Республикакүләм ифтарны оештыру һәм үткәрү турында матбугат очрашуына чакырабыз
13 март 2024 ел 09:35
“Туган авылым” милли-туристик комплексында быелгы Рамазанның беренче ифтары узды
12 март 2024 ел 09:30
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы