Бүген, 27нче июльдә, күренекле шәхес, танылган җәмәгать эшлеклесе, “Мөслимә” оешмасы җитәкчесе, атаклы журналист, редактор, илебез мөселманнарының хокукларын яклаган һәм милли яңарышның чишмә башында торган Әлмирә апа Әдиатуллинаның арабыздан киткәненә 2 ел булды. Ул 2021нче елда 83 яшендә ахирәткә күчте. Әлмира апа үз гомерендә Россия мөселманнары тормышында якты эз калдырды.
Ул үткән гасырның 90нчы елларында массакүләм мәгълүмат чараларында беренчеләрдән булып ислам турында һәм мөселманнарның проблемаларын күтәреп мәкаләләр яза башлаган.
Әлмирә апаның иң зур казанышларының берсе – аның тырышлыгы белән Россия мөслимәләре паспортка яулык киеп фотога төшү хокукына ия була.
Аллаһы Тәгалә Әлмирә ханымны Үзенең рәхим-шәфкатеннән ташламасын, урынын оҗмахтан итсен иде. Амин.
