Ураза бәйрәме мөселманнар өчен - ай буе көтеп алган бәйрәм. Бу көнне яше дә, карты да шатланып каршы ала. 28 июль көнне Яңа Чишмә мәчетендә балалар өчен матур бәйрәм оештырылды. Мәчет балалар тавышыннан гөж килеп торды. Мәчетнең имамы Илдар хәзрәт Хәсәнов балаларны Ураза гаете белән котлады. Бәйрәм төрледән-төрле уеннар белән дәвам итте. Оештыручылар балаларны яшь буенча бүлеп, куңелле уеннар уйнаттылар, викторина үткәрделәр. Бергәләшеп казанда пешкән пылау ашадылар,чәй эчтеләр. Бәйрәмнән киткәндә һәркем рәхмәт әйтеп, күтәренке күңел белән кайтып китте. Бу изге эшләрдә катнашкан мөслимә хатын-кызларыбызга олы рәхмәтләребезне җиткерәбез, дип хәбәр итәләр Яңа Чишмә мөхтәсибәтеннән.
