Татарстан Президенты Рөстәм Миңнеханов республика мөселманнарын Ураза гаете белән котлады

28 июль 2014 ел 04:54

Мөхтәрәм татарстанлылар! Кадерле ватандашлар! Сезне чын йөрәктән Ураза бәйрәме белән котлыйм! Рамазан – бар игътибар һәм мәшәкать җаныбызны камилләштерүгә һәм иманыбызны ныгытуга юнәлтелгән, якыннарыбызга һәм мохтаҗларга ярдәм итү теләге аеруча чиста булган вакыт.

Әлеге мәңгелек һәм какшамас кыйммәтләр рухи яктан чистарынырга һәм яңарырга, кылган эшләребез турында уйлап киләчәккә өмет белән карарга, үзара уңай мөнәсәбәттә булырга ярдәм итә. Бу уңайдан Мөхәммәд Пәйгамбәребезнең (с.г.в.): “Аллаһы Тәгалә игелекле һәм игелек кылганны ярата. Ул кырыслык белән ирешеп булмаганны яхшылык кылып ирешү мөмкинлеге бирә”, - дигән сүзләре тирән мәгънәгә ия.

Татарстанның уникаль этномәдәни һәм дини традицияләре милли үзенчәлекне, республикада яшәүче халыкларның гасырлар буена туплаган бай мирасын саклауда, җәмгыятнең әхлак нигезләрен һәм диндарларның бердәмлеген ныгытуда булыша. Республика мөселманнары киләчәктә дә башка традицион дин вәкилләре белән тату яшәп, рухи яңарыш, үзара аңлашуны һәм дуслыкны ныгытуда актив катнашырлар дип ышанам.

Ураза бәйрәме барлык мөселманнарга да җан тынычлыгы, шатлык һәм игелек бүләк итсен. Сезгә чын күңелдән нык сәламәтлек, иминлек һәм мул тормыш телим!

Татарстан Республикасы Президенты Р.Н. Миңнеханов.

 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана