Иранның мөнәҗәт башкаручылары игътикяфтагы Татарстан мөфтиенә үз осталыкларын күрсәтте

24 июль 2014 ел 09:46

Татарсанга Ираннан мөнәҗәт башкаручылар килде. Җырчылар квартеты: Әхмәт Атари, Сейед Әхмәт Мириян, Мәҗит Ахангари Сәйед һәм Мөхәммәд Казем Гасеми – Рамазан аеның соңгы көннәрендә Казанның 3 мәчетендә ифтарларда чыгыш ясый. Төркем составында шулай ук Коръән укучы Абдулвахид Джафарзадә бар.

22 июльдә алар "Тынычлык" мәчетендә Татарстан мөфтие Камил хәзрәт Сәмигуллин алдында үз осталыкларын күрсәтте. Анда ТР мөселманнары лидеры игътикяф кыла. 

Шулай ук Камил хәзрәтне күрергә һәм артистларның чыгышын карарга, "Тынычлык" мәчетенә Иран Ислам Республикасының Казандагы Генераль консулы Расул Багернежад Шаян килде.

Намаздан соң, мәчеттәгеләр ифтарга җыелды. Ифтар вакытында җырчылар квартеты мөнәҗәтләр һәм салаватлар башкарды. Чара Коръән уку белән тәмамланды. Соңыннан барысы да бергәләп тәравих намазын укыды.

«Татар-информ», Фәрит Шаһидуллин

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана