"Гаилә" мәчетендә балалар лагере тәмамланды, чиратта - өлкәннәр

24 июнь 2014 ел 10:07

"Гаилә" мәчете каршында ун көн дәвамында эшләгән малайлар лагере эшчәнлегенә йомгак ясады. Малайлар лагерьның ябылу тантанасына җыелган әти-әниләре каршында биредә өйрәнгән Коръән аятьләрен укып күрсәттеләр. Лагерьга барлыгы 60 ка якын бала йөреп ислам гыйлеме туплады, сәламәтлеген ныгытты. Бу ун көн малайлар күңелендә төрле кызыклы вакыйгалар белән дә истә калыр, мөгаен. Алар көндәлек физик күнегүләр, гакыйдә, Коръән, сира дәресләреннән тыш, футбол уйнадылар, ЮХИДИнең "Әкият" курчак театры бинасында урнашкан укыту үзәгенә барып, машина, велосипед белән идарә итәргә, юл йөрү кагыйдәләрен өйрәнделәр. Ун көн дәвамында алар белән шөгыльләнгән хәзрәтләргә, РИИ һәм мәдрәсә шәкертләренә рәхмәтләрен җиткергәннән соң, Татарстан мөфтие урынбасары, "Гаилә" мәчете имам-хатыйбы Рөстәм хәзрәт Хәйруллин аларга үзенең нәсыйхәтен дә җиткерде. "Монда алган гыйлемнәрегез файдалы һәм дәвамлы гыйлемнәр булсын! Якшәмбе мәктәпләренә килеп, ислам буенча гыйлемнәрегезне тагын да тирәнәйтергә тырышыгыз!"- диде ул. 

Билгеле булганча, малайларга кадәр, кыз балалар лагере оештырлган иде. Алга таба мәчеткә дини гыйлем алырга өлкән яшьтәгеләрне җыярга ниятлиләр. 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана