Түбән Камада Изге китапны уку бәйрәме үткәрелде

26 май 2014 ел 09:39

Үткән ял көннәрендә Түбән Кама мөселманнары Шәңгәлче  авылына "Коръән уку" бәйгесенә җыелдылар. 15 яшькәчә балалар Изге китапны матур һәм дөрес итеп укуда ярышты. Бәйгедә катнашкан 20 бала бәйрәмгә үзләренең туганнары, әти-әниләре белән бергә килгәннәр иде, дип хәбәр итәләр Түбән Кама мөхтәсибәтеннән.

Оештыручылар балаларны өч төркемгә бүлеп катнаштырдылар. Ә аларның гыйлемен Түбән Кама хәзрәтләре бәяләде. Җиңүчеләргә истәлек бүләкләре тапшырылды. 

Шунысын да билгеләп үтәргә кирәк, бәйге балалар өчен күркәм бер бәйрәм рәвешендә узды. Алар рәхәтләнеп мәчет янындагы мәйданда уйнадылар, күңел ачтылар. Шулай ук пылау белән сыйландылар. 

Күркәм чара ахырында хәзрәтләр Аллаһы Тәгаләдән җиребезгә бәрәкәт, иминлек сорап дога кылдылар. 

 

Сурәт - 1
Сурәт - 2
Сурәт - 3
Сурәт - 4
Сурәт - 5
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана