Мөфти Балтачта алты район имам-мөхтәсибе белән очрашты

23 апрель 2014 ел 14:48

Бүген Татарстан мөфтие Камил хәзрәт Сәмигуллин Балтач районына эшлекле сәфәр кыла. Балтачта мөфти Татарстанның төньяк төбәге мөхтәсибләре - Арча, Әтнә,  Кукмара, Саба, Теләче районнары имам-мөхтәсибләре белән очрашты. Шулай ук очрашуда мөфти урынбасары Рөстәм хәзрәт Хәйруллин һәм баш казый, Балтач районы имам-мөхтәсибе Җәлил хәзрәт Фазлыев катнашты. 

Мөхтәсибләр мөфтигә районнарда алып барылган дини эшчәнлек, дини чаралар оештырулары хакында сөйләделәр. Фикер-тәкъдимнәрен җиткерделәр.

Шулай ук мөфти хәзрәтләре Балтачның Җәмигъ мәчетендә “Ислам динен кабул итүгә 1000 ел" исемендәге Казан урта мөселман мәдрәсәсе филиалының кичке бүлеген тәмамлаган 19 шәкерткә дипломнар тапшырды. Диплом тапшыру чарасында мәдрәсә җитәкчесе Илъяс хәзрәт Җиһаншин, ТР Дәүләт Советы депутаты Фәрит Мифтахов, имамнар катнашты. 

Камил хәзрәт Карадуган мәктәбендә үткәрелгән әхлак дәресендә дә булды. Ачык дәрес кысаларында ул төрле диннәр нигезләрен өйрәтү программасы белән танышты һәм мөгаллимнәргә балаларны татарларга хас рухи кыйммәтләр белән тәрбияләгән өчен рәхмәтен әйтте, бүләкләр тапшырды.

 

 
 

 

Сурәт - 1
Сурәт - 2
Сурәт - 3
Сурәт - 4
Сурәт - 5
Сурәт - 6
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана