Татарстан мөфтиятенә Төркия галимнәре килде

16 апрель 2014 ел 15:46

Каллиграфия институты җитәкчесе Хосрәү Субаш, Истамбул һәм Анкара университетының теология факультеты җитәкчеләре Али Арслан һәм Ибраһим Мараш, мәдәни платформа җитәкчесе Мәхмүт Камил һәм башка Төркия галимнәре Казанда үткәрелүче "Казанның алдынгы галимнәре: Шиһабетдин Мәрҗани, Ризаэтдин Фәхретдин һәм Муса Бигиев" халыкара симпозиумында катнашалар. 

Мөфти Камил хәзрәт Сәмигуллин кунаклар белән танышкач, аларга татар халкының дини рухи мирасы һәм бу мирасны торгызу ниятеннән кылынган гамәлләр хакында сөйләде. Бүгенге көндә күренекле татар дин белгечләренең дистәләгән китаплары өйрәнелә һәм иске татар теленнән бүгенге телгә күчерелеп нәшер ителә. Билгеле булганча, нәзарәт көче белән рухи мирасыбыз ядкәрләре булган берничә китап дөнья күрде инде. 

Шулай ук мөфти  фәнни эшчәнлекләрен югары бәяләп, төркия галимнәренә рәхмәт сүзләрен җиткерде. Төркия фән әһелләренең татар галимнәренең тарихын, хезмәтләрен, библиографиясен өйрәнүе бар татар халкына мөһим булуын ассызыклады. Үз чиратларында чит ил галимнәре дә Камил хәзрәтне туган халкының рухи мирасын торгызуда зур тырышлыклар куйган өчен зурладылар һәм уңышлар теләделәр. 

"Казанның алдынгы галимнәре: Шиһабетдин Мәрҗани, Ризаэтдин Фәхретдин һәм Муса Бигиев" халыкара симпозиумы 18-19 апрельдә КФУда уздырыла. Белгәнебезчә, әлеге чара шул ук исемдә берничә атна элек Төркиянең Искешәһәрендә оештырылган иде. Анда Татарстан мөселманнары Диния нәзарәте вәкилләре дә катнашты һәм чыгыш ясаган иде.

.

Фоторепортаж: http://dumrt.ru/ru/node/13049

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана