Мөфти Яшел Үзәндә

02 апрель 2014 ел 16:50

Бүген Татарстан мөфтие Камил хәзрәт Сәмигуллин Яшел Үзән районында булды. Биредә ул республиканың төньяк-көнбатыш төбәге имам-мөхтәсибләре белән очрашты. Югары Ослан, Биектау, Яшел Үзән, Лаеш, Питрәч, Балык Бистәсе имам-мөхтәсибләренең һәркайсы үзләре җаваплы мөхтәсибәткә кагылышлы проблемалар турында сөйләделәр. Имамнар дини эшчәнлекләре хакында мәгълүмат бирделәр, мөфтигә гозерләрен җиткерделәр. 

Яшел Үзән районы имам-мөхтәсибе Гәбделхәмит хәзрәт Зиннәтуллин җәмигъ мәчете төзелеше белән таныштырды. Районда 17 мәчет каршында укулар оештырылуы хакында әйтте. Шулай ук Питрәч районы имам-мөхтәсибе Мансур хәзрәт Кучкаров Питрәчтә җәмигъ мәчете төзү планнары белән уртаклашты, эскизларны күрсәтте.

Мөфтинең мөхтәсибләр белән очрашуында урынбасары Рөстәм хәзрәт Хәйруллин, казый Рөстәм хәзрәт Вәлиуллин, “Хәләл” комитеты рәисе Марат Низамов һәм мөфтиятнең төрле бүлекләре вәкилләре катнашты.

Камил хәзрәт өйлә намазын Яшел Үзәндә төзелүче яңа мәчеттә укыды, аннары мәхәллә кешеләре белән аралашты.

Шулай ук Татарстан мөфтие бүген Яшел Үзән районы җитәкчесе Александр Тыгин белән очрашып, җирлектәге дини вәзгыять һәм мөхтәсибәт белән хакимият арасындагы хезмәттәшлек турында сөйләшү алып барды.

Билгеле булганча, мөфти Камил хәзрәт җирлектәге мөселманнар өммәте һәм дини эшчәнлек белән шәхсән үзе күреп белешү-танышу, шулай ук мөхтәсибләр белән киңәшү, аралашу максатыннан атнаның һәр чәршәмбесендә районнарга сәфәр кыла.

Фоторепортаж: dumrt.ru/node/12828

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана