Болгарда балалар мәчеттә алган гыйлемнәрен сынады

24 февраль 2014 ел 11:07

23 февральдә Спасс районында, Болгарда урнашкан “Ак мәчет”тә балалар өчен дини-әхлакый чара уздырылды. Дини викторинада 20дән артык  бала катнашты.  “Ак мәчет”тә имам-хатыйб булып Руслан хәзрәт Фәрхетдинов  ике ай дәвамында балаларга ислам нигезләрен, пәйгамбәрләр тарихын өйрәтте. Коръән уку серләренә төшендерде һәм викторинага әзерләде.

Балалар өчен махсус оештырылган дини чарада мөфти урынбасары Нияз хәзрәт Сабиров, Спасс районы башлыгы Камил Нугаев, имам-мөхтәсиб Фәрхәд хәзрәт Минсагыйров, "Зәкят" фонды директоры Илнур Вәлиев һәм башкалар катнашты. Җиңүче балаларга "Зәкят" фондының бүләкләре тапшырылды.

Нияз хәзрәт чарада катнашучыларның барысына да мөфти Камил хәзрәтнең сәламнәрен җиткерде һәм балаларга мәчеттә алган гыйлемнәрен көндәлек тормышта да файдаланырга нәсихәтләде. Спасс районы җитәкчесе Камил әфәнде үз чиратында татар халкының традицион рухи мирасын, кыйммәтләрен кайтаруда "Ак мәчет"нең роле зур булуны билгеләп үтте.

Викторинадан соң балаларны Болгардагы бер кафеда сыйладылар һәм зоопаркка алып бардылар. 

Татарстан мөселманнары Диния нәзарәтенең дәгъват бүлеге "Зәкят" хәйрия фонды белән берлектә якын киләчәктә "Ак мәчет"тә балаларның дини- республикакүләм викторинасын уздырырга ниятли. 

 

Фоторепортаж: http://dumrt.ru/ru/node/12180

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана