Арча балаларына бер дәгъват

15 февраль 2014 ел 11:26

13 февральдә нәзарәтнең дәгъват бүлеге һәм "Зәкәт" хәйрия фонды Арча районының Апаз һәм Урта Курса авылларында тәрбияви чаралар уздырды. Әлеге чаралар авылларга җибәрелгән яшь имамнарга эшләрендә ярдәм күрсәтү ниятеннән оештырылды.

Шуны әйтергә кирәк, Апазта узганында 125 бала катнашса, Урта Курсаның мәдәният йортында үткәрелгәненә балаларның ата-аналары да,  күрше-тирә авылларда яшәүчеләр дә җыелды. Дини-әхлакый кичәләрнең һәркайсында мөфти урынбасары Нияз хәзрәт Сабиров, Арча районы имам-мөхтәсибе Раил хәзрәт, хакимият вәкилләре катнашты. Нияз хәзрәт җыелган халыкны мөфти исеменнән сәламләде һәм балалар рухын тәрбияләү мөһимлеге хакында сөйләде. 

Аннары дәгъват бүлеге хезмәткәре Тимергали хәзрәт Юлдашев Аллаһы Тәгаләгә буйсыну, гөнаһлы эшләрдән тыелу, Раббыбыз биргән нигъмәтләр кадерен белү хакында аңлатты. Шуннан соң балалар өчен Ислам нигезләре буенча махсус викторина уздырды. Барлык балаларның күңелен күрү ниятеннән шоколадлар таратылды. Викторина барган вакытта РИИ мөгаллиме Ильяс Халиков мөнәҗәтләр башкарды. 

Әлеге бәйрәмгә әверелгән ике очрашуны да авыл халкы бик җылы кабул итте. Мондый дәгъват чаралары алга таба мәчетләргә йөрүче балалар саны артуга бер этәргеч булыр, дип өметләнәләр нәзарәтнең дәгъват бүлеге хезмәткәрләре.

Фоторепортаж: 

dumrt.ru/tt/node/12082

 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана