ТР МДН Волгоградтагы терактларда мәрхүм булганнарның һәм зыян күргәннәрнең гаиләләренә ярдәм кулы сузды

30 декабрь 2013 ел 14:53

Татарстан мөселманнары Диния нәзарәте Волгоградтагы терактта мәрхүм булганнарның һәм зыян күргәннәрнең якыннарына 1 млн сум акча күчерде. Бу хакта Татарстан мөфтие Камил хәзрәт: "Без, мөселманнар, кайгы килгәннәргә битараф калырга тиеш түгел. Безнең динебез авыр хәлләргә тарыганнарга ярдәм итәргә чакыра. Менә шул хакта уйлап, Волгоградта мәрхүм булганнарның һәм зыян күргәннәрнең гаиләләренә ярдәм итү ниятеннән 1 млн сум акча күчерергә дигән карарга килдек", - диде.

Белгәнебезчә, кичә һәм бүген Волгоградта террорлык актлары кылынды. Бу уңайдан Татарстан мөфтие белдерү белән чыкты: " Мондый явызлыкка, кешелексезлеккә барганнарны кеше дип атарга да ярамый, алар бу дөньяда да, ахирәттә дә җәзага тартылырлык.  Бу гамәлне кемнәр генә кылмасын, аларның дингә бернинди катнашы юк, чөнки дин гаепсезләрнең гомерен кыярга чакырмый! Террорчылар тагын Аллаһы Тәгалә биргән иң зур, кадерле һәм кагылгысыз бүләк – кеше гомеренә  кул суздылар. Террорчыларга кешелеклелек хас түгел. Аларның явызлыгы бернинди аклауларга лаек түгел. Изге Коръән безне гаепсезгә бер кешене үтереү – бөтен кешелекне үтерүгә тиң дип өйрәтә. Волгоградтагы хәл – куркыныч гөнаһ. Бу - гомумкешелек кыйммәтләренә, безнең барчабызга, мәрхәмәтле булып, изгелекләр кылып тыныч тормышта яшәргә ниятләгәннәргә каршы килү".

 

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана