Чаллыда 13нче мәчет ачылды

29 ноябрь 2013 ел 09:25

Чаллының "ГЭС" мәхәлләсендә яңа мәчет ачылды. Яңа мәчетне ачу тантанасында Татарстан мөфтие Камил хәзрәт Сәмигуллин, аның урынбасарлары, казыйлар, шулай ук шәһәрнең башкарма комитеты җитәкчесе Фәрхәт Латыйпов, мәхәллә халкы катнашты. 

Камил хәзрәт мәхәллә халкын мәчет ачылу белән котлады. Мөфти үзенең чыгышында 20 ел элек республикада 24 мәчет эшләвен, хәзерге көндә аларның саны 1523кә җитүен билгеләп узды. 

"Без яңа мәчетләр ачылуга шатланабыз. Ләкин, кызганыч, бүген 150 мәчеткә имам юк, алар ябык тора. Бу проблема безнең барыбызны да борчый һәм мәчетләрнең киләчәге бездән тора. Бүген ачыла торган яңа мәчет беркайчан да ябылмас һәм бирегә мәхәллә халкы һәрвакыт йөрер, иншАллаһ", - диде ул. Камил хәзрәт мәчетне төзүне башлап йөргән һәм зур ярдәм күрсәткәннәргә нәзарәтнең "Рәхмәт хаты"н тапшырды. 

Фәрхәт Латыйпов яңа иман йортының Чаллыда 13 нче мәчет булуы хакында әйтте. Ачу тантанасыннан соң мәчеттә өйлә намазы укылды, республикабызга, халкыбызга Аллаһы Тәгаләдән бәрәкәт, иминлек сорап дога кылынды.

"ГЭС" мәхәлләсе мәчете имам-хатыйбы Фоат хәзрәт Мөхәмәтов яңа иман йортын төзүне 2009 елда башлап җибәрә һәм төзелеш белән ахырга кадәр җитәкчелек итә. Агач мәчетнең гомуми мәйданы 300 кв.м, биредә 200гә якын кеше берьюлы намаз укый ала. Мәчет иганәчеләрнең хәер акчаларына төзелде.  

 

Фоторепортаж : http://dumrt.ru/node/10913

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана